Сталі вядомыя падрабязнасці пра двух украінцаў, якія здзейснілі дыверсію на польскай чыгунцы і ўцяклі ў Беларусь
Паведамляецца, што двое грамадзян Украіны, Яўген Іваноў і Аляксандр Конанаў, падазраюцца ў арганізацыі дыверсіі на польскай чыгунцы на заданне Расіі. Ім адпаведна 41 і 39 гадоў. Абодва толькі на некалькі гадзін прыязджалі ў Польшчу, а асноўную працу за іх нібыта выконвалі памагатыя, якіх польскія службы ўжо затрымалі, піша Onet.pl.
Паводле інфармацыі ўкраінскіх медыя, Іванова расійскія спецслужбы маглі завербаваць яшчэ ў студзені 2024 года. Ён, як сцвярджаюць, супрацоўнічаў з афіцэрам ГРУ Юрыем Сізавым і займаўся падрыхтоўкай дыверсіі на прадпрыемстве па вытворчасці дронаў у Львове.
Польская пракуратура выставіла Іванову і Конанаву абвінавачанні ў тэрарыстычнай дыверсіі на карысць Расійскай Федэрацыі. Ім пагражае пажыццёвае зняволенне. Абодва цяпер знаходзяцца на тэрыторыі Беларусі.
Паведамляецца таксама пра першыя затрыманні іншых удзельнікаў аперацыі.
Нагадаем, што ў нядзелю, 16 лістапада, машыніст заўважыў пашкоджанні каля станцыі Міка на лініі Дэмблін — Варшава. Высветлілася, што частку рэек узарвалі. На месцы знайшлі камеру і яшчэ адно, неразарванае, выбуховае прыстасаванне. Пазней пад горадам Пулавы быў зафіксаваны другі інцыдэнт — пашкоджаная кантактная сетка, ад чаго ў цягніку выбіла шкло.
Польская пракуратура расследуе справу як акт тэрарызму і дыверсіі супраць чыгуначнай інфраструктуры на карысць замежнай разведкі.
Польшча перадала Беларусі ноту аб выдачы асоб, падазраваных у дыверсіях у Польшчы
Некалькі чалавек затрыманыя ў Польшчы паводле справы аб дыверсіях на чыгунцы
Дыверсант на польскай чыгунцы дапусціў дзіўную памылку — падарваў не тую рэйку
Туск: Дыверсію на чыгунцы арганізавалі двое ўкраінцаў, яны выехалі ў Беларусь
Трэцяе здарэнне на чыгунцы ў Польшчы — на рэйках выявілі накладку са смартфонам
Дональд Туск пацвердзіў: чыгунка Варшава — Люблін пашкоджаная ў выніку дыверсіі
Каментары