МУС назвала шэсць фраз, пасля якіх трэба неадкладна кінуць слухаўку
Вось найбольш распаўсюджаныя фразы кібермахляроў — назавіце іх бацькам і дзецям.
Фота: vecteezy.com
Супрацоўнікі ўпраўлення па супрацьдзеянні кіберзлачыннасці УУС Брэсцкага аблвыканкама выбралі найбольш распаўсюджаныя фразы, якія выкарыстоўваюцца махлярамі.
- «Ваш рахунак будзе заблакіраваны, калі вы не адкажаце проста зараз».
- «Вашы грошы спрабуюць выкрасці, зафіксавана падазроная аперацыя».
- «Ваш рахунак быў узламаны. Калі ласка, пацвердзіце свае даныя, каб аднавіць доступ».
- «У нас ёсць інфармацыя пра тое, што вашы асабістыя даныя былі скрадзеныя. Мы можам дапамагчы вам абараніцца».
- «Калі ласка, пацвердзіце сваю асобу, каб пазбегнуць блакіроўкі вашага рахунку».
- «Вас турбуе спецыяліст фінансавай бяспекі, супрацоўнік службы бяспекі банка».
Усе гэтыя фразы выкарыстоўваюць махляры для стварэння тэрміновасці і вымагання асабістых даных або грошай. Сапраўдныя супрацоўнікі банкаў ці службаў бяспекі ніколі не патрабуюць паведаміць канфідэнцыяльную інфармацыю (паролі, коды з карт, CVV) па тэлефоне або ў паведамленнях.
Каментары