Ва ўкраінскім Хмяльніцкім з рэабілітацыйнага цэнтра ўцяклі дзве львіцы. Адну ловяць дагэтуль
У Хмяльніцкім, абласным цэнтры Украіны, з прыватнага рэабілітацыйнага цэнтра для дзікіх жывёл уцяклі дзве двухгадовыя львіцы. Адну з іх ужо злавілі, а другая працягвае знаходзіцца ў горадзе, паведаміла Хмяльніцкая абласная пракуратура.
Дырэктар цэнтра Сяргей Палёхін паведаміў, што ўначы невядомыя зламалі замкі на дзвярах вальера, а раніцай ён убачыў, што дзве львіцы ўцяклі. Пасля гэтага загінулі некалькі іншых жывёл, якія былі ў суседніх вальерах.
Для пошуку другой львіцы прыцягнутыя дроны і патрульная паліцыя Хмяльніцкага.
Паводле следства, пасля гэтага інцыдэнту завялі крымінальную справу па артыкуле 299 Крымінальнага кодэкса Украіны — жорсткае абыходжанне з жывёламі. Праводзіцца комплекс следчых мерапрыемстваў, каб вызначыць прычыны ўцёкаў, асоб, якія да гэтага датычныя, і ацаніць дзеянні кіраўніцтва цэнтра.
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру8
Каментары