Назвалі папярэднюю прычыну смерці 14‑гадовага Максіма Зяньковіча, якога шукалі некалькі дзён
Следчы камітэт назваў папярэднюю прычыну гібелі 14‑гадовага Максіма Зяньковіча. Гэта ўтапленне.
8 лістапада каля 10 гадзін хлопчык з'ехаў на веласіпедзе ад дома дзядулі ў вёсцы Карбаўскае Бярэзінскага раёна, і знік. Знайшлі цела хлопчыка толькі 13 лістапада каля 15 гадзін — у багністай мясцовасці паблізу вёскі Несцераўка.
Следчыя ўзялі ўзоры вады і грунту, забралі веласіпед, апыталі відавочцаў. Цялесных пашкоджанняў, якія сведчаць аб гвалтоўным характары смерці, на хлопчыку не было знойдзена.
Прызначаны шэраг экспертных даследаванняў, у тым ліку судова-медыцынская экспертыза для ўстанаўлення дакладнай прычыны смерці дзіцяці.
Камандзір пошукава-выратавальнага атрада «Анёл» Сяргей Коўган раней расказваў, што раён, дзе знайшлі загінулага Максіма Зяньковіча, першапачаткова праігнаравалі.
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны1
Каментары