У Мінску прыпыніў сваю працу папулярны дзіцячы забаўляльны цэнтр — «Дыназаўрыя». Прычыны не ўдакладняюцца, аднак у сацсетках цэнтра гаворыцца пра «знешнія абставіны, на якія мы не можам паўплываць».
У паведамленні таксама адзначаецца, што «Дыназаўрыя» робіць усё магчымае для як мага хутчэйшага вырашэння сітуацыі. Як толькі праца цэнтра будзе адноўлена, інфармацыя пра гэта з’явіцца на яго сайце і ў сацсетках, піша Office Life.
Цэнтр сямейнага адпачынку знаходзіцца ў мінскім ГЦ «Цівалі» з 2015 года і займае 2,4 тыс. кв. м.
У ліпені мінулага года стала вядома, што плошча, на якой размешчаны забаўляльны цэнтр, была выстаўлена на продаж за $1,8 млн.
Прадаўцом выступала ЗАТ «Усходне-Еўрапейская кампанія» ў кошт пагашэння даўгоў. Аб’ект быў абцяжараны іпатэкай, якую планавалі пагасіць з грошай ад продажу.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары