Рэпер з Гродна Пазнякс запісаў песню пра гавайскую піцу і парваў інтэрнэт
Дзмітрый Пазняк (псеўданім — pazniax) — 21‑гадовы беларускі рэпер, трэкі якога нечакана сабралі мільён праслухоўванняў. Гэты малады чалавек скарыў людзей сваёй прастатой. «Хочу остаться жить в Беларуси и давать сотку бродяге на улице», — зачытвае рэпер.
Дзмітрый Пазняк з Гродна. У школе ён удзельнічаў у алімпіядах па астраноміі на абласным узроўні, вучыўся ў Ліцэі №1 Гродна.
У 2021‑м Дзмітрый паступіў у Беларускі дзяржаўны ўніверсітэт інфарматыкі і радыёэлектронікі, жыў у інтэрнаце ў студгарадку ля Пятроўшчыны.
Але не пайшло — ён адлічыўся і вярнуўся ў родны Гродна, перавёўшыся на другі курс ў Гродзенскі дзяржаўны ўніверсітэт. У сацсетках ён тлумачыў, што ў родным горадзе яму лягчэй і лепей.
Сярод хобі хлопца — камп'ютарныя гульні і кіберспорт, кіно, маляванне. Але галоўнае захапленне Дзмітрыя — рэп. Ён з дзяцінства ім цікавіцца, удзельнічаў у анлайн– і афлайн-батлах. Пазнякс шмат піша пра розных рэпераў, абмяркоўвае новыя трэкі і горача спрачаецца пра іх з іншымі.
Улетку 2025‑га ягоныя вясёлыя трэкі пачалі «залятаць» у TikTok і Instagram. Першым раскруціўся трэк «Адпачываем», які выйшаў тры месяцы таму і сабраў каля двух мільёнаў праглядаў у тыктоку.
Там рэпер зачытвае:
Вижу, как чел покупает «Боржоми»,
Да у него точно оффшоры на Кипре.
Але самы папулярны ягоны трэк, які цяпер імкліва набірае абароты — «Гавайская піца». Дзмітрый любіць піцу з ананасамі — адсюль і назва.
Вось некалькі радкоў з гэтага трэку:
Я не хочу богатеть. Мне по кайфу быть лохом
И в переходах побираться. (…)
Батёк говорил мне: «Иди на философа».
Я такой: «Надо подумать».
Зайка, ты самая лучшая,
Но та гавайская пицца была тоже супер. (…)
Хочу остаться жить в Беларуси
И давать сотку бродяге на улице.
Песня выйшла троху больш за два тыдні таму і набрала ўжо некалькі мільёнаў праглядаў у тыктоку і інстаграме.
Сваю творчасць Дзмітрый успрымае як «камедыю назіранняў» і параўноўвае са стэндапам коміка з Мядзела Івана Усовіча:
«Рэперы класам павышэй чытаюць пра ланцугі, грошы і блудных жанчынаў, бо гэта іх атачае ў рэчаіснасці. А мяне ў рэчаіснасці атачае парк з лаўкамі. Ва ўсім варта ўмець бачыць часцінку прыгожага, і я стараюся адлюстраваць гэта ў сваіх тэкстах.
Мяркую, не апошнюю ролю ў маім поспеху сыграў дысананс маёй музыкі і знешнасці. Я ж увогуле як рэпер не выглядаю. Людзі бачаць ува мне часцінку сябе, асацыююць мяне з сабой», — расказаў Дзмітрый расійскаму пабліку «Асцярожна, навіны».
«Наша Нiва» — бастыён беларушчыны
ПАДТРЫМАЦЬЦяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў16
Каментары
Такой рэп - просто коричневый смайл!