Свет1616

У Трампа «хутка заканчваецца» цярпенне, ён анансаваў новыя санкцыі супраць Расіі

Прэзідэнт ЗША Дональд Трамп заявіў, што яго цярпенне ў адносінах да Уладзіміра Пуціна «хутка заканчваецца», і анансаваў новыя санкцыі супраць расійскага банкаўскага сектара і нафтавай галіны.

Дональд Трамп. Фота: Chip Somodevilla / Getty Images

У інтэрв’ю Fox News Трамп адзначыў:

«Цярпенне, можна сказаць, ужо заканчваецца і заканчваецца хутка. Мы збіраемся ўвесці вельмі жорсткія санкцыі супраць банкаў, а таксама ўдарыць па нафце і ўвесці тарыфы».

Трамп нагадаў, што раней ужо ўводзіў павышаныя пошліны супраць Індыі, якая стала найбуйнейшым пакупніком расійскай нафты, і прызнаў, што гэта выклікала напружанне ў адносінах паміж Вашынгтонам і Нью-Дэлі.

Адказваючы на пытанне пра магчымасць урэгулявання канфлікту ва Украіне, Трамп заявіў, што не ўпэўнены ў гатоўнасці Расіі да перамоў. Пры гэтым ён адзначыў, што і Уладзімір Зяленскі не заўсёды дэманстраваў гатоўнасць да дыялогу:

«Для танга патрэбныя двое. Калі Пуцін гатовы, Зяленскі не хоча. Калі Зяленскі хоча, Пуцін адмаўляецца. Зараз Зяленскі хоча, а Пуцін пад пытаннем».

Паводле інфармацыі выдання Politico, еўрапейскім лідарам удалося пераканаць Трампа ў тым, што Пуцін не гатовы завяршыць вайну, і таму трэба ўзмацняць ціск.

Дыпламат ЕС адзначыў: «Нарэшце Трамп на нашым баку».

Аднак паміж ЗША і Еўрасаюзам застаюцца рознагалоссі адносна таго, як менавіта ўзмацняць санкцыі.

Вашынгтон прапануе разам з ЕС увесці 100-працэнтныя тарыфы супраць краін, якія купляюць расійскія энерганосьбіты, і абмежаваць як экспарт, так і імпарт тавараў, каб не дапусціць перадачы Расіі тэхналогій падвойнага прызначэння.

У Бруселі ж лічаць, што трэба канцэнтравацца ў першую чаргу на санкцыях супраць канкрэтных банкаў і кампаній.

Акрамя таго, адміністрацыя Трампа нібыта прапануе Еўропе пачаць прамую канфіскацыю замарожаных расійскіх рэзерваў (каля €200 мільярдаў іх знаходзіцца ў ЕС), каб выкарыстоўваць іх не толькі праз прыбытак ад інвестыцый, але і непасрэдна для фінансавання дапамогі Украіне.

Каментары16

  • Момант ісціны
    12.09.2025
    "адміністрацыя Трампа нібыта прапануе Еўропе пачаць прамую канфіскацыю замарожаных расійскіх рэзерваў (каля €200 мільярдаў іх знаходзіцца ў ЕС), каб выкарыстоўваць іх не толькі праз прыбытак ад інвестыцый, але і непасрэдна для фінансавання дапамогі Украіне"

    Вось зараз і пабачым, ці пачне Еўропа рэальныя дзеянні па рэальным аслабленні Расеі, ці пачне віляць.
  • Данат на русоріз
    12.09.2025
    Найлепшыя санкцыі гэта інвестыцыі ў ЗСУ, якія лепш за ўсіх у сьвеце ведаюць як ператварыць звычайных расіян на харошых.
  • Андрусь
    12.09.2025
    Санкции европейцев смех.

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць