Беларускі акцёр, які граў ролі афіцэраў СС і НКВД, пайшоў на вайну з Украінай за Расію
Сярод роляў Сяргея Агафонава — шмат вайскоўцаў і сілавікоў: лейтэнант ДАІ, гардэмарын, афіцэр НКВД, канваір, патрульны, афіцэр СС і г. д.
Украінскі праект «Хачу жыць» апублікаваў даныя, што мінімум 596 грамадзян Беларусі падпісалі кантракт з УС РФ у першыя шэсць месяцаў 2025 года.
У гэтым спісе — Сяргей Віктаравіч Агафонаў, нарадзіўся 15.04.1992.
Канал «Витебск, я гуляю!» вызначыў, што з такімі персанальнымі данымі — вядомы беларускі кінаакцёр, які здымаўся ў расійскіх фільмах і серыялах (напрыклад, у серыяле «Мухтар»).
Сярод яго роляў — шмат вайскоўцаў і сілавікоў: лейтэнант ДАІ, гардэмарын, афіцэр НКВД, канваір, патрульны, афіцэр СС і г.д. Пасля 2020 года ролі на профільных рэсурсах не згадваюцца.
Агафонаў падпісаў кантракт з расійскай арміяй, паводле звестак украінскага праекта, 22 мая 2025 года.
Раней украінскі праект апублікаваў даныя 742 беларусаў, якія ваявалі ці працягваюць ваяваць супраць Украіны. Сярод іх пацверждана гібель мінімум 96 чалавек.
Цяпер чытаюць
Андрэй Павук уладкаваўся кіроўцам тралейбуса ў Вільні і расказаў, як яно9
Каментары
[Зрэдагавана]