У Славакію зноў пачала паступаць нафта з Расіі па трубаправодзе «Дружба», паведаміла міністр эканомікі Дэніса Сакава.
«Падача нафты ў Славакіі па трубаправодзе «Дружба» адноўлена! Спадзяюся, што працэс [пракачкі] будзе стабільны і больш не будзе атак на энергетычную інфраструктуру», — напісала яна на сваёй старонцы ў Facebook.
Венгрыя раней абвінаваціла Украіну ва ўдары па аб’екце нафтаправода «Дружба» ў Бранскай вобласці ноччу 13 жніўня.
Прэм’ер-міністр Венгрыі Віктор Орбан у лісце прэзідэнту ЗША Дональду Трампу ахарактарызаваў атакі Украіны на нафтаправод як «надзвычай недружалюбны крок». У адказ кіраўнік Белага дома заявіў Арбану, што «вельмі раз’юшаны» на Ўкраіну з-за гэтых дзеянняў.
«Гэтыя атакі накіраваныя супраць Венгрыі і Славакіі <…> гэтыя атакі наносяць шкоду Венгрыі і Славакіі, яны не маюць ніякага дачынення да Расіі», — сказаў міністр замежных і вонкава-гаспадарчых сувязей Венгрыі Петер Сіярта.
Каментары
Ура! Больш грошай Расеі, больш! Каб ёй хапіла і на зброю і на заробкі расейскім акупантам!