Міліцыя заклікала жыхароў Маладзечаншчыны быць пільнымі з грашыма, бо ёсць шмат фальшывак
На тэрыторыі Маладзечанскага раёна неаднаразова ўстанаўліваліся факты збыту банкнотападобных вырабаў, якія маюць падабенства з сапраўднымі грашовымі знакамі Нацбанка, паведамляе абласная міліцыя.
Такія купюры вонкава аналагічныя сапраўдным купюрам, адпавядаюць ім па памеры, але маюць надпісы: «дублёў», «цублёў», «Souvenir money of Belarus», «Білдет банка прыколаў», «Не з’яўляецца плацежным сродкам» і іншыя.
Так, з пачатку 2025 года ў Маладзечанскім РАУС зафіксавана 18 фактаў, звязаных са збытам банкнотападобных вырабаў, што не з’яўляюцца плацежным сродкам.
Падобнае дзеянне кваліфікуецца як махлярства і караецца пазбаўленнем волі да 3 гадоў.
Нярэдкія выпадкі прадстаўлення для абмену ў банкаўскія ўстановы сувенірных купюр, што маюць падабенства з сапраўднымі грашовымі сродкамі. Аднак у іх існуе адметная рыса: надпіс «не з’яўляецца плацежным сродкам». У сувязі з гэтым заклікаем грамадзян быць уважлівымі і звяртаць увагу на купюры, якімі ажыццяўляецца разлік у гандлёвых аб’ектах і якія прадстаўляюцца для абмену ў банкаўскія ўстановы, гаворыцца ў паведамленні міліцыі.
У міліцыі нагадваюць прадаўца аб адказнасці за невыкананне патрабаванняў заканадаўства па ажыццяўленні праверкі наяўных грашовых сродкаў. Паводле артыкула 12.5 КаАП РБ невыкананне індывідуальным прадпрымальнікам або касірам, іншым работнікам юрыдычнай асобы патрабаванняў заканадаўства па ажыццяўленні праверкі наяўных грашовых сродкаў на сапраўднасць і плацежнасць цягне накладанне штрафу да трох базавых велічынь (126 рублёў).
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП15
Каментары