Франак Вячорка хоча адсудзіць у войска, медыкаў і СМІ 100 мільёнаў рублёў
Медыкі выявілі ў Вячоркі камбінаваную загану сэрца. З гэткім дыягназам юнак не толькі не прыдатны да службы, але і ўвогуле павінен быць выключаны з вайсковага ўліку.
Франак Вячорка збіраецца судзіцца з лекарамі, вайскоўцамі ды дзяржаўнымі журналістамі і патрабаваць ад іх прабачэнняў ды кампенсацыі.
Нагадаем, 14 красавіка яго камісавалі пастановай галоўнага медычнага цэнтру Мінабароны. Медыкі выявілі ў Вячоркі камбінаваную загану сэрца. З гэткім дыягназам юнак не толькі не прыдатны да службы, але і ўвогуле павінен быць выключаны з вайсковага ўліку.
У размове Франак падкрэсліў, што ў заключным дыягназе лекары напісалі, нібы хвароба набытая ў войску — каб ужо былы жаўнер не мог судзіцца за незаконны прызыў. Аднак Вячорка з гэтым катэгарычна не згодны і збіраецца звярнуцца ў суд.
«Буду патрабаваць прыцягнення да адказнасці лекараў, якія фальсіфікавалі дыягназы, і прызыўной камісіі, якая мяне забірала. Таксама буду патрабаваць кампенсацыі, маральнай і па стане здароўя, ад вайскоўцаў, а таксама ад медыкаў, якія не прынялі мераў па стане майго здароўя раней і камісавалі мяне толькі праз 15 месяцаў. Ну і ўрэшце, буду падаваць у суд на журналістаў Беларускага тэлебачання і «Белорусской военной газеты», якія неаднаразова мяне зневажалі і абвінавачвалі ў тым, што я папросту не хачу служыць. Я думаю, што тут не менш за 100 мільёнаў рублёў».
Дарэчы, Франак Вячорка з’яўляецца кандыдатам у дэпутаты ў Мазырскі райсавет. Сваю выбарчую кампанію былы палітжаўнер збіраецца працягваць.
Цяпер чытаюць
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках19
Каментары