21 ліпеня памёр вядомы беларускі геолаг, акадэмік Нацыянальнай акадэміі навук Беларусі Аляксей Мацвееў. Яму было 87 гадоў.
Аляксей Мацвееў нарадзіўся ў Мінску 23 мая 1938 года, у 1960-м скончыў геаграфічны факультэт БДУ. Працаваў у «Белгіправадгасе», потым у Інстытуце геалагічных навук. У 1975 г. абараніў доктарскую дысертацыю.
З 1993 года ўзначальваў Інстытут геалагічных навук НАН Беларусі, актыўна ўдзельнічаў у распрацоўцы дзяржаўных навуковых праграм, у тым ліку па прагнозе карысных выкапняў і абгрунтаванні размяшчэння АЭС.
Яго навуковая дзейнасць была прысвечаная вывучэнню чацвярцічнай геалогіі, ледніковых адкладаў, геамарфалогіі, неатэктонікі і экалагічнай геалогіі. Быў аўтарам каля 400 навуковых прац, у тым ліку 23 кніг.
Выкладаў у БДУ, падрыхтаваў мноства вучняў. За сваю дзейнасць быў узнагароджаны шэрагам дзяржаўных прэмій і званняў.
Цяпер чытаюць
Келагу паказалі кампраметуючыя відэаматэрыялы на беларускую апазіцыю? Так мяркуе Латушка13
Каментары