Родныя 68-гадовай Алены Гнаўк ужо больш за год не атрымліваюць ад яе лістоў
Родныя 68-гадовай палітзняволенай Алены Гнаўк больш за год не атрымліваюць ад яе званкоў і лістоў. Пра гэта распавёў яе сын у інстаграме.
«Да гэтага часу няма ніякай інфармацыі ад нашай мамы — Алены Гнаўк. Мы не атрымліваем лістоў, не ведаем, дзе яна і ў якім стане. У яе праблемы са здароўем, і з цяперашнім рэжымам мы не ведаем, ці выйдзе яна пасля цяперашняга тэрміну. Яна больш за год у ізаляцыі, без лістоў, званкоў і сувязі з вонкавым светам. Нам не кажуць, што з ёй. Мы проста моўчкі чакаем», — напісаў ён.
Алену Гнаўк, актывістку з Пружан, судзілі ўжо чатыры разы. Першы раз яе асудзілі на два гады «хатняй хіміі» па так званай «карагоднай справе» у Берасці. Пасля — яшчэ на адзін год абмежавання волі без накіравання ў карную ўстанову за «абразу Лукашэнкі».
У 2022 годзе Гнаўк затрымалі, арыштавалі на 15 сутак за «парушэнне рэжыму адбыцця пакарання» і завялі крымінальную справу паводле двух артыкулаў: 367 (паклёп на Лукашэнку) і 369-1 (дыскрэдытацыя Рэспублікі Беларусь). Паводле гэтай справы жанчыне прысудзілі 3,5 гады калоніі агульнага рэжыму.
Ужо ў калоніі на палітзняволеную завялі новую крымінальную справу — гэтым разам за «непадпарадкаванне патрабаванням адміністрацыі карнай установы». У выніку ёй прысудзілі яшчэ год зняволення і этапавалі з гомельскай калоніі ў Зарэчча.
-
У Мінску прадалі кватэру, у якой была зарэгістраваная Аляксандра Герасіменя
-
Пісаў у чатах па-беларуску і сам рамантаваў сваё аўто. Кіраўніка інавацый IT-кампаніі 4RM Systems кінулі за краты за палітыку
-
Лукашэнка прыехаў на «раптоўную» праверку боегатоўнасці Узброеных сіл. Міністра папярэдзілі а 7‑й раніцы
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя8
Каментары