Затрыманых у Азербайджане супрацоўнікаў «Спутніка» адпусцілі пад падпіску аб нявыездзе
Іх арыштавалі 1 ліпеня ў сувязі з дыпламатычным скандалам вакол затрыманняў у Екацярынбургу, калі загінулі двое азербайджанцаў.
Цяпер азербайджанскі суд адпусціў пяцярых затрыманых з азербайджанскімі пашпартамі пад падпіску аб нявыездзе, паведаміў канал «Спутнік».
Раней былі апублікаваныя кадры іх затрымання — на некаторых супрацоўніках «Спутніка» былі відаць сляды збіцця.
У Екацярынбургу 27 чэрвеня 2025 года расійскія сілавікі затрымалі больш за 50 чалавек, пераважна выхадцаў з Азербайджана.
Паводле Следчага камітэта РФ, аперацыя была звязаная з расследаваннем забойства 2001 года бізнэмена Юніса Пашаева каля кафэ «Каспій», якое належала сям’і Сафаравых, а таксама іншых злачынстваў 2010—2011 гадоў.
У выніку затрыманняў 27 чэрвеня загінулі браты Зіядзін і Гусэйн Сафаравы.
Згодна з заключэннем азербайджанскай экспертызы, пры вонкавым і ўнутраным аглядзе цел былі выяўлены шматлікія траўмы.
«Ніводзін з братоў не быў забіты вострым прадметам або агнястрэльнай зброяй, былі нанесеныя ўдары тупым прадметам», — удакладніў Гасанаў.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары
бо, напрыклад, "супрацоўнік" , -ка ("супрацоўніка")
Назоўнік у родным склоне.
Канчаткі -у (-ю) маюць назоўнікі:
....са зборным значэньнем, назвы грамадзкіх арганізацыяў, прадпрыемстваў, установаў:
Калі б замест назвы руськасветнай прапагандысткай канторы, гаворка ішла пра падарожнік Зямлі, канчатак мусіў быў быць -а.