Рубіа пра санкцыі супраць Расіі: Трамп ведае правільны час і месца для іх увядзення
Дзяржсакратар ЗША Марка Рубіа заявіў у інтэрв’ю Politico, што новыя санкцыі супраць Расіі могуць нашкодзіць патэнцыйным перамовам.
Уладзімір Зяленскі і іншыя еўрапейскія лідары спадзяюцца пераканаць Трампа ў сераду, падчас саміту НАТА ў Гаазе, увесці новыя санкцыі супраць Расіі, бо Уладзімір Пуцін неаднаразова адхіляў амерыканскія прапановы аб спыненні агню.
«Калі мы зробім тое, чаго ўсе тут ад нас хочуць, а менавіта каб ўмяшаліся і разграмілі іх новымі санкцыямі, мы, верагодна, страцім магчымасць весці з імі перамовы аб спыненні агню, і хто тады будзе з імі размаўляць?» — сказаў Рубіа.
Ён дадаў, што Трамп «ведае правільны час і месца» для новых эканамічных мераў. Паводле слоў Рубіа, прэзідэнцкая адміністрацыя працуе з Кангрэсам, каб забяспечыць Трампу адпаведную гнуткасць.
Але калі ЗША вырашаць увесці санкцыі, дадаў ён, гэта значыць, што акно для перамоваў з Расіяй, верагодна, закрыецца.
«Калі ён гэта зробіць, гэта будзе амаль прызнаннем таго, што бліжэйшым часам перамовы не адбудуцца», — сказаў Рубіа.
«Мы будзем працягваць узаемадзеянне. У тым сэнсе, што калі ў нас з’явіцца магчымасць штосьці змяніць і прымусіць іх сесці за стол перамоваў, мы ёю скарыстаемся», — дадаў дзяржсакратар ЗША.
Паколькі перамовы з Расіяй зайшлі ў тупік, Рубіа заявіў, што Масква лічыць, што можа дасягнуць сваіх тэрытарыяльных мэтаў на полі бою — з чым Вашынгтон не згодны.
«Наша адчуванне такое, што расіяне будуць спрабаваць дасягнуць на полі бою таго, чаго яны патрабавалі за сталом перамоваў, а менавіта захавання адміністрацыйных межаў пэўных тэрыторый і г.д. Мы лічым, што ім будзе значна цяжэй дасягнуць гэтага, чым яны думаюць», — дадаў Рубіа.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
От як цікава атрымліваецца! Перамовы зайшлі ў тупік, але трэба працягваць перамовы?!... Тым часам людзі гінуць, чым далей будуць працягвацца спробы "перамоваў", тым болей будзе забітых. А як жа шматлікія заявы Трампа пра імкненне спыніць забойствы?
Адзінае відавочнае выйсце з тупіка - выкінуць, выбіць рашыстаў з Украіны. Але Трамп паражэння Расіі яўна не хоча, бо плануе пасля "кампраміснага" заканчэнння вайны добра пажывіцца за кошт расійскіх энерга- ды іншых рэсурсаў, зладзіўшы ўгоду з "сябрам Уладзімірам". Аднак у выпадку паражэння Расіі з "дэтранізацыяю" Пуціна сітуацыя ў Расіі можа зрабіцца для бізнэсмена Трампа цалкам непрадказальнаю.
Вось і выходзіць у Трампа на адзін дзень сем перамен - быццам і вайну хоча скончыць, і "сябра Ўладзіміра" не пакрыўдзіць. А Ўкраіна..., ды Бог з ёю, з Украінаю.