ЦАХАЛ заявіў пра завяршэнне маштабнага ўдару па сістэме СПА на захадзе Ірана. Мяркуючы па начных і ранішніх відэа, іранская СПА была няздольная збіваць ізраільскія ракеты і дроны.
За ноч і ранак баявыя самалёты ВПС Ізраіля, па наводцы Упраўлення вайсковай разведкі, нанеслі ўдар па сістэме супрацьпаветранай абароны Ірана.
У выніку атак былі знішчаны дзясяткі радараў і пускавых установак зенітных ракет.
«Гэтыя ўдары паляпшаюць свабоду паветраных аперацый ВПС Ізраіля», — падсумоўвае ЦАХАЛ.
Няма сведчанняў, каб Ізраіль падчас першай хвалі ўдараў страціў хоць адзін самалёт. Мяркуючы па відэа, іранская СПА была няздольная збіваць ізраільскія ракеты і дроны, якія наносілі ўдары як у Тэгеране, так і ў раёне аб’ектаў іранскай ядзернай праграмы.
Ізраільскія СМІ паведамляюць, што ядзерны рэактар у іранскім Натанзе знішчаны дашчэнту.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45
Каментары