Нечаканая знаходка напаткала жыхара Жабінкі падчас разборкі даху. Дапамагаючы ў рэстаўрацыі дома, набытага сваякамі, мужчына знайшоў ва ўцяпляльніку гарышча пісталет. З-за доўгага знаходжання ў тайніку зброя пакрылася карозіяй.
Пра знаходку мужчына паведаміў у міліцыю. Супрацоўнікі міліцыі канфіскавалі пісталет і накіравалі яго на экспертызу.
Згодна з заключэннем эксперта Брэсцкага міжраённага аддзела Дзяржаўнага камітэта судовых экспертыз, гэта італьянскі пісталет «Beretta» мадэлі 1934 года. Пісталет прыдатны для стральбы патронамі калібра 7,65 мм.
Па словах заяўніка, пісталет мог быць схаваны былым уладальнікам дома, які быў удзельнікам дзвюх сусветных войнаў.
Цяпер чытаюць
«Забіць яго ці адрэзаць яму яйкі я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе12
Каментары