Абвінавачанне ў падпалах дамоў, звязаных з прэм'ерам Брытаніі, выстаўлена 21-гадоваму ўкраінцу
21-гадоваму грамадзяніну Украіны Раману Лаўрыновічу выстаўлена абвінавачанне ў трох эпізодах падпалу з намерам стварэння пагрозы жыццю пасля пажараў у двух дамах і аўтамабілі ў Лондане, звязаных з прэм'ер-міністрам Вялікабрытаніі Кірам Стармерам, паведаміла паліцыя.
Лаўрыновіч быў арыштаваны ў Сіднэме на паўднёвым усходзе Лондана раніцай у аўторак. У пятніцу ён паўстане перад Вестмінстэрскім магістрацкім судом, піша Бі-бі-сі.
Пажары, у якіх ніхто не пацярпеў, адбыліся цягам чатырох дзён — 8—12 мая на поўначы Лондана. Тады падпалілі прыватны дом, якім валодае Стармер, прыпаркаваны аўтамабіль на той жа вуліцы і яшчэ адзін дом, дзе Стармер жыў раней.
З-за сувязі з вядомай асобай расследаваннем інцыдэнтаў кіравала Контртэрарыстычнае камандаванне лонданскай паліцыі. Уначы 12 мая пажарных выклікалі ў жылы дом у Кентыш-Таўне. Стармер і яго сям’я жылі там да таго, як ён стаў прэм'ер-міністрам летась.
Цяпер, наколькі вядома, Стармер жыве ў сваёй афіцыйнай рэзідэнцыі на Даўнінг-стрыт, 10, а яго ўласны дом здаецца ў арэнду.
Пры пажары пашкоджаныя ўваходныя дзверы дома ў Кентыш-Таўне.
Раней, 8 мая, загарэўся аўтамабіль, звязаны са Стармерам, на той жа вуліцы. А ўначы 11 мая быў невялікі пажар на ўваходзе дома ў Іслінгтане, пераабсталяванага ў шматкватэрны дом. Як высветліла Бі-бі-сі, Стармер жыў па гэтым адрасе ў 1990-я гады.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары