На мінскім стадыёне «Трактар» прайшоў першы матч пасля працяглай рэканструкцыі
Папярэдняя гульня на яшчэ старым «Трактары» прайшла 12 лістапада 2022 года — 910 дзён таму. Абноўленая арэна была адкрытая яшчэ ў лістападзе мінулага года, але першы матч на ёй прайшоў толькі цяпер, піша «Смартпрэс».
Футбольны «Мінск» прымаў на гэтым стадыёне ў матчы восьмага тура чэмпіянату Беларусі дзяржынскі «Арсенал», гульня скончылася ўнічыю 2:2. Цяпер гэты стадыён будзе для «Мінска» хатнім.
Стадыён «Трактар» размяшчаецца побач з новапабудаваным Нацыянальным стадыёнам, адкрыццё якога запланавана неўзабаве. «Трактар» у выніку рэканструкцыі прыняў больш сучасны выгляд, чым раней. Праўда, на ім засталася толькі адна трыбуна, але на ёй усталяваныя новыя сядзенні, так што камфорту для гледачоў дадалося.
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары