Справа па ч. 1 арт. 139 КК (забойства) распачата ў Крупскім РАУС у дачыненні да 59‑гадовага жыхара Барысава, які застрэліў 26 сакавіка электрыка садовага таварыства «Чарот», жыхара вёскі Беражок.
Як паведамілі ўаддзяленні інфармацыі і грамадскіх сувязей УУС Мінскага аблвыканкама, 40‑гадовы электрык неаднаразова патрабаваў, каб суседзі‑дачнікі перасталі красці электраэнергію, незаконна далучаючыся да электрычнай сеткі. Тыя, у сваю чаргу, каб ён не заўважаў крадзяжу, прапаноўвалі грошы, спіртное, аднак усё было дарэмна. У пачатку вясны электрык звярнуўся ў Энерганагляд, які выпісаў суседзям вялікі штраф.
Увечары 26 сакавіка, прыехаўшы чарговы раз на лецішча, барысаўчанін вырашыў адпомсціць за знявагу.
Ён прыйшоў у дом да электрыка і выстраліў яму ў грудзі з самаробнага пісталета. Паранены яшчэ здолеў дабрацца да суседкі і папрасіць выклікаць хуткую дапамогу, але памёр у бальніцы.
Для вышуку злачынца ўводзіўся план «Сірэна». Барысаўчаніна, які знаходзіўся ў стане моцнага алкагольнага ап`янення, затрымаў у лесе начальнік Крупскага РАУС. Цяпер затрыманы знаходзіцца ў следчым ізалятары райаддзела.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары