Цяпер ва Украіне восем такіх установак СПА, але не ўсе працуюць.
Украіна да лета атрымае яшчэ адну сістэму супрацьпаветранай абароны Patriot, якая раней знаходзілася ў Ізраілі. Яе дашлюць пасля рамонту. А пазней, магчыма, перададуць яшчэ адну ўстаноўку — ад Германіі або Грэцыі, паведамляе The New York Times са спасылкай на свае крыніцы.
Пра пастаўку стала вядома на фоне ўзмацнення расійскіх ракетных удараў па Украіне.
Было гэтае рашэнне прынята падчас адміністрацыі Байдэна або пры Трампе, невядома.
Украіна мае восем сістэм Patriot, з якіх працуюць толькі шэсць — дзве знаходзяцца на рамонце, паведаміў выданню адзін з неназваных амерыканскіх чыноўнікаў.
Калі Кіеў атрымае ўстаноўкі з Ізраіля і Германіі або Грэцыі, усяго іх будзе ва Украіне 10.
Па даных Міжнароднага інстытута стратэгічных даследаванняў у Лондане, агулам у свеце эксплуатуецца каля 186 сістэм Patriot, з якіх прыкладна траціна належыць ЗША.
Еўрапейцы валодаюць прыкладна 40 сістэмамі (з улікам тых 8, што ва Украіне).
Стварэнне адной устаноўкі Patriot каштуе мінімум мільярд даляраў, для яе абслугоўвання патрабуецца каля 90 вайскоўцаў.
У красавіку Зяленскі заявіў, што Украіна гатова купіць 10 комплексаў Patriot за 15 мільярдаў даляраў з фінансавай дапамогай еўрапейскіх партнёраў, але ЗША не прадаюць.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго8
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары
Тем более, что предлагают купить в 1.5 раза дороже...