Фінскі блін у духоўцы — сняданак для тых, хто не хоча стаяць ля пліты цэлую вечнасць
Проста змяшайце інгрэдыенты ў блендары, выліце ў гарачую, змазаную маслам форму, запякайце 20 хвілін — і сняданак гатовы.
Фота: quirkycooking.com.au
Фінскі блін у духоўцы — гэта пышны, тэкстурай падобны да суфле блін хутка гатуецца, а на смак проста надзвычайны. Блін мяккі, як заварны крэм, і выдатна спалучаецца з цёплым ягадным соусам і вяршкамі.
Каб яго прыгатаваць, спатрэбіцца:
- 3 ст. л. масла
- 500 мл малака
- 4 вялікія яйкі
- 80 г мёду (прыкладна 1/4 шклянкі)
- 1/2 ч. л. дробнай марской солі
- 1/4 ч. л. ванільнага парашку
- 1 шклянка бланшаванай міндальнай мукі
- 1 ст. л. молатага насення чыа
Як гатаваць:
- Разагрэйце духоўку да 200°C.
- Пакладзіце масла ў вялікую прамавугольную форму для запякання (памерам прыкладна 38×26 см) і пастаўце ў духоўку, каб яно растала.
- Змяшайце ўсе астатнія інгрэдыенты ў блендары або тэрмаміксе на высокай хуткасці на працягу 30 секунд.
- Дастаньце форму з духоўкі і раўнамерна размяркуйце растопленае масла па дне. Выліце цеста ў гарачую форму.
- Пастаўце форму назад у духоўку і выпякайце 20 хвілін або да таго часу, пакуль устаўлены ў цэнтр нож ня выйдзе чыстым.
- Падавайце з любімай свежай або запечанай садавіной, ягадамі, прагрэтымі на пліце з дробкай карыцы і мёдам, а таксама з вяршкамі.
Каментары