У беларускага А1 рэкорд па чыстым прыбытку — 369 мільёнаў рублёў. Але дзяржава зарабіла на гэтым бізнэсе яшчэ больш
А1 здала сваю фінансавую справаздачнасць за мінулы год. Гэта кампанія, якую не закранулі крызісы, — у год пачатку вайны яна проста спыніла рост, у 2023-м — аднавіла, а ў 2024-м паставіла рэкорд па выручцы і прыбытку ў рублях.
Беларускі А1 — частка еўрапейскага A1 Group, які, у сваю чаргу, належыць транснацыянальнаму холдынгу América Móvil са штаб-кватэрай у Мексіцы. Гэта адна з самых прагрэсіўных і прыбытковых тэхналагічных кампаній на беларускім рынку.
З'явілася яе свежая фінансавая справаздачнасць за мінулы год.
З яе можна зразумець, што А1 працуе з рэнтабельнасцю 33%. Яна вярнула тэмпы росту, згубленыя ў 2022-м, і паказала рост выручкі ў 10% да мінулага года.
Колькі ж зарабіў гігант? Валавы прыбытак склаў 565,6 мільёна беларускіх рублёў (161 мільён еўра па сярэднеўзважаным курсе за 2024).
Чысты прыбытак склаў 369,3 мільёна беларускіх рублёў (105 мільёнаў еўра).
Асноўную частку рэнтабельнасці А1 з'ядаюць падаткі і зборы, якія выстаўляе дзяржава. За 2024 год кампанія выплаціла ў бюджэт 424,8 мільёна беларускіх рублёў (120 мільёнаў еўра), што больш за чысты прыбытак.
Умоўна пазітыўна скончылася для кампаніі гісторыя з драконаўскім штрафам памерам 83,7 мільёна рублёў напачатку 2024-га. Гэтыя грошы размарожаныя, але не проста так — А1 абавязалася паставіць у Беларусі 300 вышак мабільнай сувязі ў месцах, указаных дзяржавай.
Таксама за мінулы год на 132 чалавекі знізілася колькасць супрацоўнікаў А1 — цяпер іх 2329. На аплату працы сваіх работнікаў у 2024 годзе А1 патраціла 80,1 мільёна беларускіх рублёў.
Юрась Зянковіч расказаў пра сваё вызваленне і шлях у ЗША6
Каментары
Прыкладанне не мае беларускай мовы.
У краме выбар тэхнікі невялікі.
Сэрвісных пунктаў у рэгіёнах мала, а калі ёсць, яны ва ўсім прайграюць МТС.
Тарыф Без ліміта з гадамі горшае.