Пазняк ці Ціханоўская, Караеў ці Коля Лукашэнка: казахскія геймеры стварылі шмат альтэрнатыўных рэальнасцяў Беларусі
Казахскія геймеры стварылі відэа Post-Lukashenko у стылі гульні Hearts of Iron 4. Яны паказалі альтэрнатыўныя рэальнасці Беларусі — тыя, у якой няма Аляксандра Лукашэнкі. Варыянтаў шмат, але далёка не ўсе яны пазітыўныя.
У відэа можна пабачыць кадры, знятыя падчас пратэстаў 2020 года. Кожны герой гэтай «гульні» мае асабістую картку. Пра прыхільнікаў перамен распавядаюць незалежныя СМІ — «Наша Ніва», Tut.by, «Радыё Свабода» і іншыя. Пра ябацек — БелТА, СТБ і «Советская Белоруссія».
Напрыклад, на картцы Святланы Ціханоўская пазначана, што рэвалюцыя, якую яна ўзначаліла, перамагла ў краіне. Лукашэнка збег у Расію, а часовы ўрад абвясціў аб разрыве адносін з гэтай краінай і збліжэннем з Еўрасаюзам. Але ж канец змрочны: пазначана, што Пуціну такія перамены не спадабаліся, і цяпер не зразумела, ці зможа Беларусь захаваць незалежнасць.
Затое ў гэтай жа рэальнасці застаецца жывым мастак Алесь Пушкін. Ён стварае сваю партыю, якая плануе дапамагаць творчым людзям рэалізоўваць свой патэнцыял.
Зянону Пазняку таксама пакінулі магчымасць перамагчы. І пра гэта, дарэчы, паведамляе «Наша Ніва». Ён, стаўшы прэзідэнтам, імкнецца аднавіць адносіны з усім светам.
Існуе варыянт, у якім у барацьбе за ўладу перамагае Юрый Караеў. Адзначаецца, што яго падтрымалі выключна сілавікі. Але, нягледзячы на жорсткую лінію палітыкі Караева, у яго атрымліваецца наладзіць адносіны з ЗША.
Ды і Качанавай добрыя казахстанскія геймеры далі магчымасць сесці ў прэзідэнцкае крэсла. У яе гонар чыноўнікі ладзяць урачысты мітынг, на якім віншуюць са знішчэннем апошніх змагароў.
Майстар фотаздымкаў Алег Гайдукевіч, стаўшы на чале краіны, абяцае працягваць курс Аляксандра Лукашэнкі, а таксама спрабуе «Зрабіць Беларусь зноў вялікай».
Ёсць сярод персанажаў і Коля Лукашэнка, якога стваральнікі відэа называюць сэрцаедам. У гэтым варыянце альтэрнатыўнай рэальнасці Аляксандр Лукашэнка вырашыў зрабіць з Беларусі еўрапейскі варыянт Паўночнай Карэі. Ён канчаткова закрыў межы краіны, узмацніў прапаганду — а пасля перадаў уладу малодшаму сыну. «Советская Белоруссія» сцвярджае, што ўсе меры накіраваныя выключна на ўзмацненне суверэнітэту краіны.
Які варыянт альтэрнатыўнай рэальнасці падабаецца больш за ўсё, вырашайце самі.
-
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
-
Мінскім Шабанам прысвяцілі модную калекцыю: дзе купіць і што па цэнах?
-
Андрусь Бездар, які выйшаў з СІЗА, расказаў, як яго справа цяпер і што будзе далей
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу2
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
ніякі з гульні.
бо Беларусь глыбокая