За I квартал 2025 года Міністэрства антыманапольнага рэгулявання і гандлю праверыла больш за 1,5 тысячы гандлёвых аб’ектаў. У выніку выдана 548 рэкамендацый па ўстараненні недахопаў і накіравана 128 прадпісанняў аб забароне рэалізацыі тавараў. Асабліва вялікі працэнт парушэнняў выяўлены ў крамах, паведамляе прэс-служба ведамства.
Напрыклад, пры праверцы 26 крамаў, што знаходзяцца ў падпарадкаванні сельскагаспадарчых прадпрыемстваў і мясакамбінатаў, амаль у кожнай другой былі ўстаноўлены парушэнні заканадаўства аб гандлі і абароне правоў спажыўцоў.
У сямі з іх была забароненая рэалізацыя тавараў з пратэрмінаванымі тэрмінамі прыдатнасці. Усяго ж МАРТ выдаў за тры месяцы 119 прадпісанняў з-за продажу тавараў з пратэрмінаваным тэрмінам прыдатнасці. Гэта адно з самых распаўсюджаных парушэнняў.
Парушэнні заканадаўства аб цэнах і цэнаўтварэнні былі выяўлены ў 74 суб’ектаў гаспадарання. Сярод частых парушэнняў таксама называюцца: невыкананне пераліку тавараў, абавязковых да наяўнасці ў краме, адсутнасць неабходнай інфармацыі для спажыўцоў і іншае.
Паведамляецца, што за тры месяцы агульная сума штрафных санкцый па справах, разгледжаных правяраючымі, перавысіла 200 тысяч рублёў.
-
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?
-
Айцішніка з Мінска пасадзілі па чатырох палітычных артыкулах
-
Сайт Інстытута кантролю ведаў не вытрымлівае нагрузкі з-за колькасці ахвотных даведацца вынікі рэпетыцыйнага іспыту
Цяпер чытаюць
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?5
Каментары