Гэта тая самая «сталінка», што знаходзіцца за два крокі ад парку Горкага і суседнічае з крамай «Каравай»
На сайце Мінгарвыканкама размешчана аб'ява аб пошуку жыльцоў для 65-метровай «двушкі» ў Партызанскім раёне, піша Onliner.by.
Адметна, што размешчана кватэра ў доме №36 па праспекце Незалежнасці. Гэта тая самая «сталінка», што глядзіць на плошчу Перамогі, знаходзіцца за два крокі ад парку Горкага і суседнічае з крамай «Каравай». Абрамляюць пяціпавярховы дом велічныя калоны — не дом, а казка. Дадайце сюды яшчэ высокія столі і добрыя планіроўкі!
Жыльцоў шукаюць для кватэры №47, якая знаходзіцца на чацвёртым паверсе. З 65 квадратных метраў агульнай плошчы амаль 33 прыпадаюць на жылыя памяшканні. Плаціць за такую шыкоўную «двушку» давядзецца ўсяго 163,30 рубля ў месяц. Гэта відавочна мала.
Чаму так? Метры даюцца толькі грамадзянам, якія маюць першачарговае права на арэнднае жыллё. Гэта, згодна з Жыллёвым кодэксам, маладыя спецыялісты, навуковыя супрацоўнікі, медыкі, суддзі, вайскоўцы і пракурорскія работнікі. То бок «жыллёвая дапамога» аказваецца менавіта тым, у кім горад асабліва мае патрэбу. Пры гэтым неабходнасць у спецыялісце павінна быць пацверджана працадаўцам.
Заявы прымаюцца службай «Адно акно» адміністрацыі Партызанскага раёна да 21 сакавіка 2025 года ўключна. Пры сабе «падавальнікі» павінны мець пашпарт.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары