Падчас адпачынку на лецішчы ля Дзвіны маладая сям'я з Віцебска сутыкнулася з атрутнай змяёй, у выніку пацярпеў іх хатні гадаванец.
Інцыдэнт адбыўся 11 сакавіка на ўскраіне горада, калі Віктар і Таццяна вырашылі прагуляцца да ракі разам са сваім катом Кашандрыкам, піша fishing.by.
У нейкі момант жывёліна кінулася пад ногі гаспадыні і кумільгом пакацілася ўніз па пясчаным схіле. Спачатку муж і жонка былі збянтэжаныя паводзінамі свайго гадаванца, але ўжо праз некалькі секундаў Віктар разабраўся, у чым справа, і кінуўся следам за катом.
Кашандрык атакаваў змяю і тым самым выратаваў сваю гаспадыню ад магчымага атрутнага ўкусу, але пацярпеў сам.
Нават будучы ўкушаным (што высветлілася пазней), кот не адыходзіў ад змяі ўнізе схілу, тым самым пазбаўляючы яе магчымасці манеўру, пакуль яго не забраў Віктар.
На лецішчы Кашандрык адмовіўся ад любімага прысмаку і пайшоў спаць на свой пуфік, а перад ад'ездам Таццяна заўважыла, што з катом нешта не так — на шчацэ жывёлы была даволі вялікая гематома. Гаспадыня патэлефанавала сваёй сяброўцы з ветэрынарнай клінікі.
«Змейка была зусім невялікай, муж сказаў, што гэта гадзюка. Сяброўка мае найгоршыя асцярогі пацвердзіла, але супакоіла тым, што каты даволі лёгка пераносяць укусы атрутных змей і нашаму гадаванцу нічога не пагражае. Уяўляеце! Ён жа быў гатовы ахвяраваць сабой дзеля мяне», — з захапленнем распавяла Таццяна.
Каб не турбаваць хатняга гадаванца, з'язджаць з лецішча муж і жонка не сталі.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні3
Каментары
Даводзілася чытаць, што здаровы чалавек можа абыйсьціся й без супрацьтрутнай сывараткі, яго толькі пакілбасіць нейдзе з тыдзень, і ўсё на тым, і ачуняе. Аднак ня чуў пра пацьвержаныя выпадкі. :)