Буйны завод у Брэсце не змаглі прадаць нават са зніжкай 90 працэнтаў
Таргі па продажы Брэсцкага камбіната будаўнічых матэрыялаў, запланаваныя на 28 лютага, зноў не адбудуцца з-за адсутнасці пакупнікоў.
Як вынікае з інфармацыі на сайце ЗАТ «Белрэалізацыя», прадпрыемства прапаноўвалася са зніжкай у 90% ад першапачатковага кошту. Яшчэ ў верасні 2024 года стартавы кошт Брэсцкага КБМ (прадаецца як маёмасны комплекс) перавышаў 39 млн рублёў, а ў кастрычніку склаў 21 млн.
Само прадпрыемства — з «цяжкім лёсам». З 2015 года яно знаходзіцца ў працэдуры банкруцтва. Да гэтага там выпускалі дрэнажныя трубы і керамічную цэглу.
Цяпер мінімальная цана продажу складае крыху больш за 11,7 млн рублёў за агульную плошчу больш за 109 тыс. кв. м. Але нават гэта не прыцягвае пакупнікоў.
Якім будзе кошт аб’екта пасля адмены апошніх таргоў, пакуль невядома.
Каментары