Ва ўзросце 88 гадоў памёр дзясяты чэмпіён свету па шахматах Барыс Спаскі, паведамілі ў Федэрацыі шахмат Расіі.
Барыс Спаскі нарадзіўся ў 1937 годзе, а ў 18 гадоў стаў самым маладым на той момант міжнародным гросмайстрам у гісторыі.
У 1969 годзе Спаскі перамог іншага савецкага гросмайстра Тыграна Петрасяна і стаў дзясятым чэмпіёнам свету па шахматах. Але праз тры гады, у 1972 годзе, ён саступіў тытул амерыканцу Роберту Фішару.
Тады, дарэчы, упершыню з 1948 года, калі чэмпіёнам свету стаў Міхаіл Батвіннік, а пасля яго перамагалі Васілій Смыслоў, Міхаіл Таль і Тыгран Петрасян, СССР страціў шахматную карону. Яе толькі праз тры гады, у 1975 годзе, вярнуў Анатолій Карпаў.
Цяпер чытаюць
Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго3
Каментары