Расіі неабходна перайменаваць Фінскі заліў, паколькі краіна «асвойвала яго з найстаражытных часоў», заявіў навуковы дырэктар Расійскага ваенна-гістарычнага таварыства Міхаіл Мягкоў, піша Moscow Times.
«Мне падаецца, лагічная назва гэтага заліва была б Санкт-Пецярбургскі заліў або заліў Санкт-Пецярбурга», — сказаў гісторык на прэзентацыі даследавання «Чорная кніга. Кароткая гісторыя шведскай і фінскай русафобіі».
Ён патлумачыў выбар такой назвы тым, што Санкт-Пецярбург — найбуйнейшы горад на беразе заліва. Пры гэтым Мягкоў падкрэсліў, што Расію цяпер «спрабуюць замкнуць» у гэтай акваторыі і не выпускаць з яе расійскі флот.
Ён таксама прызнаў, што прапанову могуць лічыць «занадта шакавальнай», але адзначыў, што перайменаванне будзе «гістарычна справядлівым».
Акрамя таго, гісторык спаслаўся на аналагічнае рашэнне прэзідэнта ЗША Дональда Трампа, які перайменаваў Мексіканскі заліў у Амерыканскі.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары