24-гадовы беларус трапіў ва ўкраінскі палон. Як ён апынуўся на вайне?
Яго ўзялі ў палон на першым жа баявым заданні.
Украінскі праект «Хачу жыць» апублікаваў відэа з палонным беларусам, які трапіў у шэрагі расійскіх войскаў пасля працы ў Луганску.
24-гадовы Дзмітрый Ананчык скончыў калежд па спецыяльнасці токар — слесар па рамонце аўтамабіляў. У Беларусі працаваў у лагістычнай кампаніі, пасля ў будаўніцтве.
У Луганск ён прыехаў працаваць на будоўлю памочнікам плітачніка. Да 20 снежня 2024-га павінен быў скончыць працу на аб'екце і ехаць назад, але паліцыя схапіла яго раней разам з «нелегальнымі грамадзянамі».
«Абулі, адзелі і адправілі на палігон», — апісвае Ананчык. Прызнаецца, што быў выпіўшы, таму пад прымусам падпісаў кантракт.
На паперы на кантракце ў расійскіх войсках ён лічыцца 10 снежня 2024 года. Яго ўзялі радавым стралком
19 снежня яго адправілі на першае баявое заданне — і мужчына адразу трапіў у палон.
«Таварыша забіла, а мяне ўзялі ў палон», — расказвае ён.
У Дзмітрыя маленькі сын, з жонкай ён у разводзе.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў54
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары