У Мінску здаюць у арэнду кватэру без вадаправода, каналізацыі і прыбіральні
Колькі просяць за такія ўмовы?
У Мінску шмат самага разнастайнага жылля. І ўсё ж такі на рынку нерухомасці можна кожны раз знайсці нешта новае і дзіўнае. На гэты раз прапануюць кватэру ў шматкватэрным доме-бараку, у якім няма ніякіх выгодаў, піша Blizko.by.
У аб’яве прапануецца ў арэнду кватэра ў 2-павярховым цагляным доме на вуліцы Кузьмы Мініна. Нумар дома не ўказаны, але на фота можна разгледзець пяцёрку на адраснай таблічцы. На ўсёй вуліцы Кузьмы Мініна ёсць усяго пяць жылых двухпавярховак, і параўнанне фота з панарамамі пацвярджае, што гэта сапраўды дом №5 па вуліцы Кузьмы Мініна.
А што ёсць?
Ёсць падсобка, якую можна абсталяваць як другі пакой, мэбля, дзве раскладныя канапы, рамонт — здавальняючы, газавая пліта, плошча 30 кв.м.
Прыгожы від з акна, вокны выходзяць у двор, дзіцячая пляцоўка, побач гіпермаркет, побач зялёная зона, халадзільнік таксама ёсць (вельмі непрывабнага выгляду).
Гаспадар хоча здаць кватэру на доўгі тэрмін, прычым «без дзяцей, без праблем з алкаголем».
Кошт арэнды — 120 даляраў у месяц + камунальныя плацяжы. Таксама гаспадар патрабуе заклад, які абяцае вярнуць пры высяленні.
-
У Мінску прадаюць звычайны звонку дом, але з багатым начыннем: пазалотай, ляпнінай і карцінамі на сценах
-
«Засталося ўсяго 6 кватэр у горадзе». На выходныя 9 мая разабралі арэндныя кватэры ў Гродне, Брэсце і Мінску. Цэны ўражваюць
-
У Мінску прадаюць нестандартную 3-узроўневую кватэру. Цана можа прыемна здзівіць
Цяпер чытаюць
«Стаўленне як да скаціны». Прарасійскі блогер расказаў пра 25 сутак ў ІЧУ3
«Стаўленне як да скаціны». Прарасійскі блогер расказаў пра 25 сутак ў ІЧУ
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары