21-гадовую дзяўчыну з Баранавічаў судзяць па чатырох палітычных артыкулах
Ганне Курыс пагражае да пяці гадоў калоніі.
Ганне Курыс 21 год. Яна родам з Баранавічаў.
Там скончыла школу, а пасля паступіла ў Баранавіцкі дзяржаўны ўніверсітэт на спецыяльнасць «выкладанне сучасных замежных моваў», даведаўся для «Нашай Нівы» BELPOL.
Вядома, што ў ліпені 2023 года Ганну саджалі на суткі за распаўсюд «экстрэмісцкіх матэрыялаў».
Ганну судзяць у Брэсцкім абласным судзе. Яе абвінавачваюць у «распальванні варожасці» (ч. 1 арт. 130 КК), «дыскрэдытацыі Беларусі» (арт. 369-1 КК), «абразе Лукашэнкі» (ч. 1 арт. 368 КК) і «здзеку з дзяржаўных сімвалаў» (арт. 370 КК). За гэта дзяўчыне пагражае да пяці гадоў калоніі са штрафам.
Судзіць яе Мікалай Сянько. З 2021 года ён разгледзеў больш за 30 палітычна матываваных крымінальных спраў.
Масавыя палітычныя рэпрэсіі ў Беларусі працягваюцца з 2020 года.
Тады Аляксандр Лукашэнка прайграў Святлане Ціханоўскай, але не аддаў уладу.
Па словах намесніка начальніка Галоўнага ўпраўлення працэсуальнага кантролю Следчага камітэта Аляксандра Жукава, было зафіксавана больш за 22 500 «злачынстваў экстрэмісцкай скіраванасці», гэта значыць, палітычнага характару. Па многіх з гэтых крымінальных спраў праходзяць шматлікія фігуранты.
Згодна з інфармацыяй Паўла Латушкі, прадстаўніка Аб'яднанага пераходнага кабінета, з 2020 года рэпрэсіі закранулі 136 тысяч чалавек. Некалькі соцень тысяч беларусаў вымушаныя былі пакінуць краіну.
«Наша Нiва» — бастыён беларушчыны
ПАДТРЫМАЦЬЦяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА79
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары