Уладальнік Вялікага адроннага калайдара скасаваў супрацоўніцтва з Беларуссю
Еўрапейская арганізацыя па ядзерных даследаваннях (ЦЕРН) з 30 лістапада спыняе супрацоўніцтва з навукова-даследчымі інстытутамі з Беларусі і Расіі.
«Рашэнне краін — удзельніц арганізацыі спыніць кааперацыю з Мінскам і Масквой закране перш за ўсё супрацоўніцтва з расійскімі навуковымі інстытутамі», — гаворыцца ў паведамленні ЦЕРН, якое цытуе Swissinfo.
Як засведчылі ў арганізацыі, адсутнасць навукоўцаў з Расіі будзе, вядома, адчувальная, аднак ЦЕРН зможа кампенсаваць гэтае змяншэнне. Расія, да таго ж, ніколі не была краінай-удзельніцай цэнтра, маючы толькі асаблівы статус дзяржавы-назіральніцы, яна не ўносіла свайго ўкладу ў гадавы бюджэт ЦЕРН і не валодала правам голасу.
Колькасць навукоўцаў з Беларусі традыцыйна тут таксама была невялікая.
Пра намер скасаваць пагадненні аб супрацоўніцтве з Беларуссю і Расіяй у ЦЕРН заявілі яшчэ ў 2022 годзе пасля ўварвання Расіі ва Украіну. Пагадненні аб міжнародным супрацоўніцтве ЦЕРН звычайна заключаюцца на пяць гадоў і аўтаматычна працягваюцца на той жа перыяд, калі адзін з бакоў не накіруе другому боку пісьмовае паведамленне аб скасаванні.
Еўрапейская арганізацыя па ядзерных даследаваннях была створана ў 1953 годзе і з'яўляецца найбуйнейшай у свеце лабараторыяй фізікі высокіх энергій. Яна знаходзіцца на мяжы Швейцарыі і Францыі, паблізу Жэневы. Арганізацыі належыць Вялікі адронны калайдар.
«У будучыні нам удасца зладзіць кам’юніці, якое спрычыніцца да будаўніцтва палескага калайдара». Як энтузіясты папулярызуюць навуку па-беларуску
«Мае знаёмыя робяць у Акадэміі разлікі для расійскіх ракет». Што адбываецца з беларускай навукай
З-за энергетычнага крызісу ў Еўропе могуць спыніць Вялікі адронны калайдар
Еўрапейская арганізацыя па ядзерных даследаваннях не будзе супрацоўнічаць з Расіяй і Беларуссю
Стала вядомая асоба рабочага «Беларуськалія», які загінуў пры абрушэнні горнай пароды1
Каментары