На расійскага ваеннага блогера «Трынаццатага» завялі крымінальную справу
Справу на Ягора Гузенку, больш вядомага як ваенны блогер «Трынаццаты», распачалі паводле артыкула 318 КК РФ «Ужыванне гвалту ў дачыненні да прадстаўніка ўлады». Ён арыштаваны на два месяцы.
Ягора Гузенку затрымалі 5 кастрычніка на гарадской плошчы горада Навапаўлаўска ў Стаўрапольскім краі паводле адміністрацыйнага артыкула аб спажыванні наркотыкаў. Аднак падчас затрымання блогер аказаў супраціў і на яго распачалі справу паводле артыкула «Ужыванне гвалту ў дачыненні прадстаўніка ўлады» (ч. 1 арт. 318 КК РФ). Пры гэтым ён нібыта адмовіўся даваць паказанні падчас допытаў.
Па гэтым артыкуле «Трынаццатаму» можа награжаць да 5 гадоў зняволення.
Акрамя таго, Ягор Гузенка знаходзіцца ў федэральным вышуку як фігурант крымінальнай справы паводле арт. 213 КК РФ «Хуліганства». Справа была распачатая ў канцы 2021 года, а ў сакавіку Гудзенка, як ён пісаў у сваім тэлеграм-канале, зрэзаў з нагі адмысловы бранзалет і паехаў ваяваць у Херсонскую вобласць.
Блогер «Трынаццаты» мае больш за 300 тысяч падпісчыкаў, і ён адзін з тых расійскіх ваенкараў, якія хоць паслядоўна трымаюцца шавіністычнай ды антыўкраінскай пазіцыі, але могуць жорстка крытыкаваць і расійскія вайсковыя ды грамадзянскія ўлады, закранаючы прынамсі ўскосна нават самога Пуціна. Месяц таму Гузенка адразу ў некалькіх пастах праводзіў думку, што «здраднікі сядзяць у Крамлі».
У Расіі жорстка затрымалі ваеннага блогера «Трынаццатага»
«Усё, што цяпер адбываецца, гэта здрада. Здраднікі сядзяць у Крамлі». У Расіі ўзбунтаваўся Z-блогер
«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны
Z-ваенкары сцвярджаюць, што расійскія вайскоўцы збілі ўласны верталёт
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай15
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары