Беларусь адпусціла латвійцаў, затрыманых за правоз марыхуаны. Бо марыхуаны не было
Трое дзяўчат і малады чалавек ехалі на музычны фестываль у Браславе, але іх затрымалі ў пункце пропуску на мяжы.
Латвійцы, якія былі затрыманыя ў канцы ліпеня гэтага года ў памежным пункце ў Беларусі праз знойдзены ў машыне пакецік марыхуаны, вярнуліся дадому, з іх знялі ўсе падазрэнні, паведамілі ў эфіры тэлеканала «Беларусь 1».
Гаворка ідзе пра трох дзяўчат і маладога чалавека, якія ехалі ў Браслаў на фестываль. Падчас надгляду іх аўтамабіля ў памежным пераходзе беларускія памежнікі выявілі ў нішы паміж заднім сядзеннем і парогам невялікі пакет. Экспертыза паказала, што гэта марыхуана, вагой 0,82 грама.
У выніку была заведзена крымінальная справа аб незаконным правозе праз дзяржмяжу наркотыкаў групай асоб.
Па словах маладога чалавека, пакет хутчэй за ўсё выпусціў знаёмы, якога ён падвозіў незадоўга да сваёй паездкі ў Беларусь.
«У інцыдэнце хутка разабраліся. Цяпер чацвёра латвійцаў ужо на радзіме», — паведамілі ў эфіры дзяржтэлеканала.
Следчыя і эксперты праверылі пакет на наяўнасць на ім слядоў каго-небудзь з затрыманых, а таксама правялі аналіз на ўжыванне наркотыкаў усіх чатырох. Вынікі даследаванняў маладыя людзі чакалі ў гасцініцы пад падпіскай аб нявыездзе.
«Падчас правядзення экспертыз наркатычных сродкаў, псіхатропных рэчываў, іх аналагаў і прэкурсораў, якія падлягаюць дзяржаўнаму кантролю ў Беларусі, не выяўлена», — заявіў намеснік начальніка ўпраўлення спецыяльных экспертыз упраўлення Дзяржкамітэта судовых экспертыз па Віцебскай вобласці Юрый Казлоў.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары
Абвяшчаем "безвіз".
Экспертыза паказала, што гэта 0,82 гр марыхуаны.
Пасля абмену палоннымі
Экспертыза паказала, што наркотыкаў няма.
Welcome!