Грамадства22

У Гомелі анансавалі патрыятычную падсветку тэлевышкі

Як анансаваў старшыня Гомельскага гарвыканкама Уладзімір Прывалаў, да Дня горада на 198-метровай тэлевышцы з'явяцца «святлодыёдны медыяфасад і кіраваная падсветка», што дазволіць «у дні дзяржаўных святаў у вячэрні час дадаць нацыянальнага каларыту і падкрэсліць асаблівы гонар за краіну», піша «Флагшток».

Старшыня гарвыканкама спаслаўся на тое, што нібыта ад жыхароў горада «паступілі прапановы арганізаваць святочную ілюмінацыю тэлевышкі». А таксама на вынікі апытання, «па выніках якога ідэя была падтрымана большасцю».

На самай справе за ілюмінацыю выказаліся менш за тысячу жыхароў паўмільённага горада.

Акрамя таго, Прывалаў прамаўчаў пра тое, у колькі гамяльчанам абыдзецца стварэнне «патрыятычнай» падсветкі, але згадаў, што падобны досвед маецца ў іншых гарадах і краінах. Сакрэтным застаецца і крыніца фінансавання — на дадзены момант сэрвісы дзяржзакупак не ўтрымліваюць тэндараў на закупку падсвятлення.

Верагодна, старшыня гарвыканкама Прывалаў убачыў такую ілюмінацыю ў адным з расійскіх гарадоў. У апошнія гады ў многіх абласных цэнтрах Расіі на тэлевышках робіцца падсвятленне. Такая, да прыкладу, ёсць у суседнім Бранску. 

Ілюмінацыя выкарыстоўваецца для прапагандысцкіх мэтаў: з дапамогай дынамічнай падсветкі на расійскія вышкі выводзяцца сімвалы расійскай вайны ва Украіне, адзначаецца гадавіна акупацыі Крыма. 

Флагшток знайшоў публікацыі ў мясцовых расійскіх СМІ, прысвечаных падсветцы мачтаў, падобных на гомельскую, у Тамбове і Брацку — каб высветліць, колькі каштавалі працы, пакуль тэндар на падсвятленне ў Гомелі яшчэ не абвешчаны.

Тэлевышка ў Тамбове. Фота: Вольга Смыкава

На ілюмінацыю 180-метровай тэлевышкі ў Тамбове ў канцы 2022 года выдаткавалі з бюджэту амаль 23 млн расійскіх рублёў, што выклікала буру абурэння мясцовых жыхароў (383 тысячы даляраў паводле курсу на час устаноўкі).

Тэлевышка ў Брацку. Фота: Сяргея Сярэбраннікава

У Брацку падсвятленне рабілі пазней — летам 2023 года, і гэта каштавала ўжо 25 млн (каля 263 тыс. даляраў па курсе на той перыяд). Вышка ў Брацку — амаль такая ж па вышыні, як і ў Гомелі (196 метраў), яе ілюмінацыя складаецца з 8 280 святлодыёдных піксельных свяцілень і 44 пражэктараў.

Каментары2

  • Улад
    10.07.2024
    І дзе тут БЕЛАЯ Русь?
  • Ганьба6
    10.07.2024
    Усягомельскі каляровы струк

Цяпер чытаюць

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

Усе навіны →
Усе навіны

У Расіі вайскоўца асудзілі за паражэнскія настроі

Самы працяглы маршрут — 140 кіламетраў за дзень. Экс-палітвязень Андрэй Кузнечык зацяты веласіпедыст — ён расказаў пра сваё хобі6

Не прапусціце вялікія зніжкі на рэкламу ў «Нашай Ніве» да канца лета

62-гадовую намесніцу дырэктара мінскай гімназіі адправілі ў калонію за палітыку12

Злучаныя Штаты могуць скараціць колькасць сваіх войскаў у Еўропе на 30%3

Шэлег: Беларускія лекі нічым не адрозніваюцца ад старых прэпаратаў буйных фармацэўтычных кампаній3

Настаяцель манастыра Шаалінь трапіў пад следства па падазрэнні ў растратах і амаральным ладзе жыцця4

У Рэчыцкім раёне ад удару токам загінулі двое мужчын

Цэны на шакалад здзіўляюць13

больш чытаных навін
больш лайканых навін

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

Галоўнае
Усе навіны →

Заўвага:

 

 

 

 

Закрыць Паведаміць