З ЗША вяртаецца Наталля Пяткевіч — і адразу першай намесніцай кіраўніка Адміністрацыі прэзідэнта
Яна займала гэтую пасаду ў 2009—2010.
Першай намесніцай кіраўніка Адміністрацыі прэзідэнта прызначаная 51-гадовая Наталля Пяткевіч. Яе вярнулі ў найвышэйшую ўладу пасля доўгага перапынку. Апошнія пяць гадоў Пяткевіч жыла ў ЗША, хоць знаходзілася пад санкцыямі гэтай краіны.
Да з'яўлення на палітычным Алімпе Наталлі Качанавай самай высокапастаўленай жанчынай Беларусі была якраз Пяткевіч. У 2001-2004 яна працавала прэс-сакратаром Аляксандра Лукашэнкі, а ў 2004-2010 была сярод кіраўніцтва Адміністрацыі прэзідэнта, спачатку намесніцай, а пасля і першай намесніцай.
У 2011-2014 Пяткевіч была памочніцай Лукашэнкі, пасля чаго знікла з радараў пасля фэйла са званком Вавана і Лексуса пад выглядам сына Януковіча.
На нейкі час яе падабраў мільянер Аляксандр Шакуцін і даў кіраваць турыстычным кірункам свайго бізнэсу.
А ў 2018 Пяткевіч выйшла замуж за Валянціна Рыбакова, пастаяннага прадстаўніка Беларусі пры ААН, і пераехала да яго ў Нью-Ёрк. Гэта выглядала максімальна камічна з улікам таго, што Пяткевіч заставалася пад амерыканскімі санкцыямі. Якія, аднак, мелі выключэнне для членаў сем'яў дыпламатаў, акрэдытаваных пры ААН.
Дарэчы, для Пяткевіч гэта быў трэці шлюб. Першы яе муж, Уладзіслаў Пяткевіч, узначальваў Нацыянальныя латарэі. Другі муж — Аляксандр Мартыненка — дарос да намесніка старшыні БТ.
У Наталлі Пяткевіч ёсць сын Філіп, народжаны ў першым шлюбе.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»54
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары