У Расіі ад выбуху гранаты загінуў былы спецназавец з Магілёва Юрый Міхайлаў. Яму было 47 гадоў.
Юрый Міхайлаў загінуў 2 чэрвеня, а развітанне з ім прайшло праз тыдзень у Магілёве, піша MAYDAY.TEAM.
На жалобную цырымонію прыехаў кіраўнік Беларускай асацыяцыі ветэранаў падраздзяленняў спецназа МУС «Гонар» Дзмітрый Паўлічэнка.
У сваім слове ён згадаў, што ў 90-я Юрый Міхайлаў быў адным з тых байцоў, з якімі «давялося разам рызыкаваць, стоячы плячом да пляча, жорстка спыняючы спробы замахаў на канстытуцыйны лад з боку бандыцкіх і па-экстрэмісцку настроеных элементаў».
Як паведамляе MAYDAY.TEAM, у 1995-1996 гадах Міхайлаў праходзіў тэрміновую службу ў 1-й роце спецпрызначэння ў/ч 3214 (Уручча) у званні старшыны.
Пахаванне было арганізавана за кошт ахвяраванняў членаў Асацыяцыі «Гонар».
Абставіны смерці экс-спецназаўца не выдаюцца. За сухой фармулёўкай можа хавацца яго ўдзел у так званай СВА.
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС28
Каментары