Ля польскай сцяны на мяжы з Беларуссю вернікі правялі малітву ФОТАФАКТ
На мяжы Польшчы і Беларусі 30 мая адбылося набажэнства падчас працэсіі свята Божага Цела. Малітву правялі ля алтара побач з металічнай сцяной, якая падзяляе дзве краіны, якую ўстанавіла Польшча праз «мігранцкі крызіс», піша katolik.life.
Набажэнства праходзіла ў вёсцы Мінкаўцы ў Сакольскім павеце Падляскага ваяводства. Раней вёска была ў Гродзенскім раёне БССР. У 1946 годзе ў сувязі з карэкціроўкай дзяржаўнай мяжы паміж СССР і ПНР вёска была перададзена Польшчы.
Як растлумачыў фермер Яцак Злома, да таго часу вернікі з Мінькаўцоў належалі да прыходу ў вёсцы Адэльск, што засталася ў Гродзенскім раёне. У выніку ў Мінькаўцах пабудавалі свой храм, аднак многія сем'і засталіся падзеленымі мяжой.
У той жа дзень працэсію Божага Цела ў Варшаве правялі беларускія каталікі ў эміграцыі разам з польскімі вернікамі. Наперадзе працэсіі неслі копію абраза Маці Божай Будслаўскай, падчас набажэнства гучалі малітвы і спевы па-беларуску, ксёндз Вячаслаў Барок чытаў Евангелле на роднай мове.
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары