«Для адміністрацыі калоніі Калеснікава і Марфа Рабкова аднолькава небяспечныя»
Палітзняволеная, якая нядаўна выйшла з жаночай калоніі ў Гомелі, расказала «Нашай Ніве» пра тое, да каго з вязняў у адміністрацыі асаблівае стаўленне.
Марфа Рабкова — анархістка, каардынатарка валанцёрскай службы «Вясны». Нарадзілася ў 1995 годзе. Была арыштаваная ў верасні 2020 года. Рабковай выставілі абвінавачанне па 12 крымінальных артыкулах і прысудзілі 14 гадоў і 9 месяцаў зняволення.
«У калоніі ёсць 18 атрад, дзе знаходзіцца толькі адна палітзняволеная — калі я заехала, гэта была Марыя Калеснікава. Потым трэба было вызваліць месца для Марфы Рабковай, і Калеснікаву перавялі ў памяшканне камернага тыпу (ПКТ), а Марфу — у 18 атрад. Гэта атрад для аднаго чалавека, дзе ўсе настроеныя супраць адной палітычнай.
Не ведаю, што адміністрацыя плануе для Марфы. Але для іх Рабкова і Калеснікава — аднолькава небяспечныя, іх трэба цалкам ізаляваць ад усіх. Калі з’явіцца яшчэ адна такая ж «небяспечная» жанчына, магчыма, Марфу таксама перавядуць у ПКТ».
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары