Расійскі рэгіён вярбуе беларусаў на вайну праз сацсеткі — наладзілі таргетаваную рэкламу
Заклікаюць «дапамагчы суседзям у барацьбе з праціўнікам».
У расійскай сацыяльнай сетцы «УКантакце» з'явілася таргетаваная рэклама, у якой беларусаў заклікаюць ісці ваяваць супраць Украіны, заўважыў «Флагшток».
Аб'ява распаўсюджваецца ад групы «Служба па кантракце» з беларускім дзяржаўным гербам на аватарцы. На малюнку намаляваны вайсковец, а подпіс абвяшчае: «Ты з Беларусі? Дапамажы суседзям у барацьбе з супернікам!».
Сам праціўнік не называецца. Беларусам прапануюць 450 тысяч расійскіх рублёў (блізу 5 тысяч даляраў) за падпісанне кантракту. Назва краіны напісана дакладна, а не ў расійскай традыцыі.
Спасылка ў рэкламным паведамленні вядзе на цэнтр рэкрутынгу адміністрацыі адной з суседніх з Беларуссю абласцей Расіі. На сайце ёсць раздзел для замежных грамадзян, якія хочуць заключыць кантракт з расійскай арміяй. Мяркуючы па ўсім, абласны рэкрутынгавы цэнтр за кошт беларусаў спрабуе выканаць норму паводле кантрактнікаў.
У Беларусі паводле дзейнага закону ўдзел ва ўзброеных канфліктах за мяжой, а таксама наёмніцтва — гэта крымінальныя злачынствы, за якія пагражае да сямі гадоў турмы. Вярбоўка беларусаў на вайну за мяжой караецца пазбаўленнем волі на тэрмін да дзесяці гадоў.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі1
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4646
Каментары