Узмацняюцца патрабаванні да ўвозу ў Еўрасаюз хатніх жывёл з Беларусі
З 16 верасня 2024 года жывёла павінна будзе прайсці сералагічнае даследаванне на антыцелы да віруса шаленства і атрымаць дакумент, які пацвярджае гэта.
«Расія і Беларусь выключаныя са спісу краін, якія эфектыўна рэалізуюць антырабічныя патрабаванні, — распавяла Delfi.lt галоўны дзяржаўны ветэрынар Дэпартамента памежнага кантролю Літвы Аліцыя Заранковіч. — Для ўвозу ў Еўрасаюз сабак, катоў або тхароў з Беларусі неабходна праводзіць тэст на антыцелы да шаленства», — адзначыла яна.
Падкрэсліваецца, што ўзор тэсту на антыцелы да шаленства неабходна ўзяць як мінімум праз 30 дзён пасля вакцынацыі супраць шаленства і як мінімум за 3 месяцы да выдачы ветэрынарнага сертыфіката і ўезду ў Еўрасаюз.
Таксама жывёла павінна мець падскурны мікрачып і быць прышчэплена ад шаленства.
-
Яна прыняла іслам, а ён палюбіў дранікі. У Магілёве пабраліся шлюбам беларуска і пакістанец
-
У Гомелі жанчыну выселілі з інтэрната проста на вуліцу. Яна маці двух дзяцей, але гэта ў залік не пайшло
-
Пайшоў у банкруцтва рэстаран, які належаў сям'і Зінгмана. Даўгоў больш чым на мільён даляраў, а маёмасці на 389 рублёў
Каментары