У Расіі пачалі затрымліваць удзельнікаў пахавання Навальнага. Іх вылічваюць па відэакамерах
Пасля пахавання Аляксея Навальнага сілавікі пачалі пераследаваць людзей, якія прыходзілі развітацца з палітыкам.
Першай затрыманай стала жыхарка Масквы, паведаміў канал «ОВД-Инфо». Яна трапіла на відэа, на якім гучала фраза «Героям слава». Сілавікі прыходзілі да яе дадому яшчэ 1 сакавіка, але яна была за горадам, таму затрымалі яе толькі пасля вяртання 3 сакавіка. Жанчына правяла ноч у аддзеле паліцыі, яе аштрафавалі на паўтары тысячы расійскіх рублёў (каля 55 беларускіх) па артыкуле аб дэманстрацыі забароненай сімволікі (ч.1 арт. 20.3 КаАП).
Раніцай у аўторак, 5 сакавіка, паліцыянты затрымалі яшчэ аднаго жыхара Масквы Ягора Комлева на выхадзе з дому. Яго павезлі ў аддзел паліцыі, сфатаграфавалі і забралі пашпарт. Невядома, які артыкул яму ставяць у віну.
Таксама ў аўторак супрацоўнікі Цэнтра па супрацьдзеянні экстрэмізму затрымалі жыхарку Масквы Алену Грыбкову. Яна наведвала пахаванне Навальнага 1 сакавіка. Артыкул, які ёй ставяць у віну, таксама невядомы.
Як распавёў «Агентству» прэс-сакратар «ОВД-Инфо» Дзмітрый Анісімаў, пра тэндэнцыі казаць яшчэ рана, аднак яшчэ ў дзень пахавання праект папярэджваў, што затрыманнямі непасрэдна на акцыі, верагодна, пераслед удзельнікаў не абмяжуецца. Анісімаў адзначыў, што
сістэма распазнання асоб у Маскве «дае магчымасць прасачыць шлях кожнага чалавека наўпрост да яго падʼезда».
Усяго ў дзень развітання з Навальным у гарадах Расіі затрымалі 113 чалавек. У Маскве затрымалі толькі 17 чалавек.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары