У Швецыі чалавек паўгода харчуецца мясам мядзведзя, які яго пакалечыў
42-гадовы Пэр Сундстром сустрэўся з мядзведзем недалёка ад шведскага горада Юсдаль яшчэ ў жніўні мінулага года. Жывёліна напала на яго і разарвала твар. Мужчына, мабыць, тады б і развітаўся з жыццём, каб не дапамога 14-гадовага сына Эверта, паведамляе Bild.
Разам Пэр і Эверт змаглі адолець мядзведзя: цяжка паранены Пэр нанёс яму смяротнае раненне. Але пасля гэтай сутычкі мужчына апынуўся ў бальніцы. Калегі ж ягоныя разабралі мядзведзя і паклалі мяса ў маразілку. І цяпер яно важная частка рацыёну сям'і Сундстром.
«Мы робім з гэтага мяса начынне для тако. Мяса цёмнае, з грубымі валокнамі, яно патрабуе вялікай колькасці спецый. Напоўніць тако мясам мядзведзя, які ўкусіў мяне за твар, было ў маіх вачах найвышэйшай помстай» — сказаў Пэр у інтэрв'ю мясцовай газеце Aftonbladet.
Акрамя таго, Пэр і Эверт разам гатавалі з забітага мядзведзя гуляш, шашлыкі і чэтбулар — традыцыйныя шведскія фрыкадэлькі.
Сундстром яшчэ не хутка зможа забыцца пра напад мядзведзя: рана ад укусу на яго твары добра бачная да гэтага часу, а шнары, хутчэй за ўсё, не знікнуць ніколі. Ён ужо перанёс шэраг аперацый, а наступная запланаваная на лета.
«Лекары хочуць аднавіць мой нос і многае выправіць. Ён павінен выглядаць амаль гэтак жа, як і раней», — спадзяецца Сундстром.
Чытайце таксама:
У Гродзенскім заапарку прачнуліся мядзведзяняты. Яны такія смешныя ВІДЭА
Цяпер чытаюць
Дзяржаўныя каналы нечакана паказалі, як выглядаюць рэзідэнцыі Лукашэнкі знутры. Раней камеры туды не траплялі12
Каментары