Брытанская разведка назвала, колькі вагнераўцаў засталося ў Беларусі
У аглядзе Міністэрства абароны Вялікабрытаніі пішацца, што ў Беларусі цяпер знаходзіцца найхутчэй менш за тысячу вагнераўцаў, хоць пасля жніўня 2023 года іх было 8000.
Фота: МУС
Аналітыкі мяркуюць, што Лукашэнка наўрад ці захоча пашырыць выкарыстанне вагнераўцаў, напрыклад, у рамках дзеянняў сілавых структур унутры краіны або для аховы мяжы.
Раней паведамлялася, што баевікі «Вагнера» выступаюць інструктарамі для беларускіх сілавікоў. Намеснік міністра ўнутраных спраў і камандуючы ўнутранымі войскамі Мікалай Карпянкоў заяўляў таксама, што ўнутраныя войскі Беларусі будуць праходзіць баявое зладжванне з баевікамі ПВК «Вагнер» для вядзення сумесных баявых дзеянняў.
Мяркуецца, што вагнераўцы маглі ўвайсці ў склад атрада спецыяльнага прызначэння «Тарнада».
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця25
Каментары