Брэсцкая дэпутатка парламента ішла на перавыбары — але раптоўна зняла сваю кандыдатуру
Гаворка пра Марыну Васько, дзейную дэпутатку Палаты прадстаўнікоў з Брэста. Яна здала ўсе дакументы ў выбаркам, а пасля адмовілася ад удзелу ў кампаніі.
Марына Васько збіралася пераабірацца па Брэсцкай цэнтральнай выбарчай акрузе №2, але сярод зарэгістраваных кандыдатаў у дэпутаты яе не аказалася.
Удалося высветліць, што Васько насамрэч напісала заяву аб зняцці сваёй кандыдатуры.
Дэпутатка вучыцца ў магістратуры і збіраецца звязваць свой лёс з навукаю. Цяпер яна піша кандыдацкую дысертацыю.
«Узважыла «за» і «супраць» і вырашыла, што навуцы яна будзе больш карыснай», — расказалі пра Васько суразмоўцы.
48-гадовая Марына Васько — выпускніца Брэсцкага ўнівэрсітэта імя Пушкіна. Да свайго дэпутацтва працавала завучам у брэсцкай гімназіі №2. Была там настаўніцай беларускай мовы і літаратуры.
У 2021 годзе Васько заявіла, што на ўзроўні дзяржавы павінен быць створаны інфармацыйны шчыт, які б супрацьстаяў кіберпагрозам. Да іх яна далучала Twitter, Facebook, YouTube, еўрапейскія навінавыя сайты і іншыя небяспечныя з гледзішча забароненай інфармацыі рэсурсы.
Як паратунак дэпутатка прапаноўвала адаптаваць кітайскі досвед фільтрацыі змесціва інтэрнэту. Такі падыход, на яе думку, умацаваў бы свабоду і незалежнасць дзяржавы.
Адметна, што ў самой Васько ёсць старонка ў фэйсбуку, дзе яна дзеліцца поспехамі дэпутацкай дзейнасці.
Пасля таго, як Марына Васько выбыла з гонкі за дэпутацкае крэсла, фаварытам яе акругі можна лічыць Вольгу Сцяпусь, дырэктарку Брэсцкага абласнога цэнтра алімпійскага рэзерву па водных відах спорту.
Яе ўжо абкатваюць як медыйную асобу лукашэнкаўскія СМІ. У Сцяпусь двое партыйных канкурэнтаў.
***
Палата прадстаўнікоў з’явілася ў 1996 годзе. Тады ў яе склад увайшлі дэпутаты Вярхоўнага Савету 13 склікання, якія не наважыліся падпісваць імпічмент Лукашэнку, ці стараліся быць у баку ад палітычных баталій таго часу.
Палату прадстаўнікоў лукашэнкаўцы намагаюцца падаваць як паўнавартасны парламент. У ім нават былі апазіцыйныя дэпутаты.
Насамрэч гэта дэкаратыўны орган, які павінен стварыць ілюзію падзелу ўлады ў Беларусі і наяўнасці дэмакратычных працэдур. Яго ўплыў на палітычнае жыццё краіны мінімальны. Дэпутаты туды адбіраюцца праз фільтрацыю адміністрацыі Лукашэнкі.
«Наша Нiва» — бастыён беларушчыны
ПАДТРЫМАЦЬГлядзіце таксама:
110 дэпутатаў, якія трапяць у парламент-2024, — праверце спіс пасля выбараў
Праваслаўны камуніст і ватнік з Расіі. Што вядома пра двух самых маладых кандыдатаў у Мінгарсавет
Намесніка Карпенкі звольнілі перад самымі выбарамі. Прычына незвычайная
Работнік Следчага камітэта пайшоў у дэпутаты не ад праўладнага спіса. І нават не дайшоў да выбараў
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі22
Каментары