Заходнія медыя лічаць, што звальненне Залужнага — пытанне часу, і ацэньваюць рызыкі
Буданаў і Сырскі адмовіліся заняць яго месца.
Чатыры чалавекі, з якімі размаўляла FT, заявілі, што, хоць у офісе Зяленскага было прынятае рашэнне звольніць Залужнага, яго могуць не звальняць некаторы час пасля таго, як паведамленні аб гэтых планах з'явіліся ва ўкраінскіх СМІ, піша «Украінская праўда»
Суразмоўцы Бі-бі-сі ў абаронным сектары Украіны кажуць, што колькасць рознагалоссяў паміж Зяленскім і Залужным дасягнула крытычнай мяжы. Напэўна, справа не толькі ў розных поглядах на ваенныя дзеянні, а ў асабістых супярэчнасцях і недаверы.
Як паведамляе Бі-бі-сі, Зяленскі, Залужны і Умераў сустрэліся ў АП у панядзелак без Ермака. Нарада прайшла ў спакойным тоне, прэзідэнт абвясціў, што прыняў рашэнне адправіць у адстаўку галоўнакамандуючага і што ўказ будзе падпісаны найбліжэйшым часам.
Як паведамляе Бі-бі-сі, апошнія месяцы Зяленскі не раз быў блізкі да таго, каб адправіць Залужнага ў адстаўку. Што менавіта падштурхнула прэзідэнта 29 студзеня праінфармаваць галаўны камітэт аб яе непазбежнасці, дакладна невядома.
Таксама невядома, што менавіта перашкодзіла з'яўленню прэзідэнцкага ўказа. Суразмоўцы Бі-бі-сі ва ўладных структурах агучваюць два асноўныя варыянты: альбо ў сітуацыю ўмяшаліся заходнія партнёры Кіева, альбо ёсць праблема з прызначэннем новага галоўнакамандуючага.
Магчымымі кандыдатамі FT называе камандуючага Сухапутнымі войскамі Сырскага і кіраўніка ГУР Буданава.
У той жа час крыніцы Бі-бі-сі ў вайсковых колах кажуць, што ні Сырскі, ні Буданаў не гарэлі жаданнем заняць крэсла Залужнага і адмовіліся ад гэтага прызначэння.
«Невядома, чым скончыцца гэтая гісторыя. Але калі Зяленскі захавае свайго галоўнакамандуючага на пасадзе, ён будзе выглядаць слабым. Калі ён яго звольніць, то тая няўмеласць, з якой гэта было зроблена, толькі пашкодзіць даверу да кіраўніцтва», — заключае The Economist.
Ва Украіне распаўсюджвалася супярэчлівая інфармацыя пра адстаўку Залужнага. Пакуль, здаецца, ён застаецца
Залужны павіншаваў з 2024 годам ролікам з вайскоўцамі, пад якім падпісаліся б 97% працэнтаў беларусаў
«Усё адно мы ўсе памром». Пазаштатная дарадца Залужнага сказала глупства, ён адрэагаваў па-вайсковаму радыкальна
Каментары
Калі маскалі стаялі пад Кіевам, то парадку на Украіне было неяк больш.