«Мяне фактычна паслалі з бомбай на смерць». Трэпава, што ўзарвала ваенкара ў Пецярбургу, выступіла з апошнім словам
Раней пракурор запытаў для 26-гадовай дзяўчыны 28 гадоў зняволення.
У Другім заходнім акруговым вайсковым судзе Пецярбурга з апошнім словам перад прысудам выступіла Дар'я Трэпава, якую абвінавачваюць у забойстве «ваенкара» Уладлена Татарскага, піша «Дождь».
Яна сказала, што шкадуе пра тое, што адбылося, і выбачылася перад пацярпелымі, якія «перажылі боль і жах» у кафэ пасля выбуху бомбы.
«Мне хочацца падтрымаць вас зараз у тым, праз што вы праходзіце. Адзін сябар сказаў мне, што Бог заўсёды падтрымлівае нас на нашым шляху і ідзе побач з намі. І нам трэба паспрабаваць захаваць сябе», — сказала Трэпава, звяртаючыся да адной з пацярпелых.
Каментуючы абвінавачанне, дзяўчына сказала, што яна даверылася журналісту Раману Папкову, і калі б у справе захавалася перапіска з арганізатарамі, то яе судзілі б зараз «за што заўгодна, але не за тэракт»: «Мяне фактычна паслалі з бомбай на смерць».
Трэпава адзначыла, што з самага пачатку супрацоўнічала са следствам і расказала ўсё, што ведае. Віну яна не прызнае і просіць суд адправіць справу на даследаванне, а таксама зняць абвінавачанне па артыкулах аб тэракце і захоўванні зброі.
Пракуратура запытала 28 гадоў калоніі для Трэпавай, а таксама адзін год і 10 месяцаў — для Дзмітрыя Касінцава, у кватэры якога яна знаходзілася пасля выбуху. Прысуд абвесцяць 25 студзеня.
Выбух у кавярні Пецярбурга, у выніку якога загінуў Татарскі, адбыўся 2 красавіка. Па версіі следства, Трэпава прынесла на сустрэчу з Татарскім статуэтку, якая ўзарвалася, забіўшы «ваенкара» і параніўшы 52 чалавекі.
Пасля гэтага яна, як сцвярджае следства, паспрабавала схавацца ў кватэры ў Касінцава.
Па словах самой Трэпавай, яна не ведала, што ў статуэтцы знаходзіцца выбухоўка. На адным з пасяджэнняў яна казала, што заданне пазнаёміцца з Татарскім далі ёй Папкоў, які пражывае ва Украіне, і чалавек з псеўданімам Гештальт.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары