Беларусы былі ў бандзе кібермахляроў, ад якой у Польшчы пацярпелі больш за 800 чалавек
У Польшчы затрымалі 21 чалавека за кібермахлярства, сярод іх — грамадзяне Беларусі, паведаміла Цэнтральнае ўпраўленне барацьбы з кіберзлачыннасцю (CBZC).
«Зламыснікі масава рассылалі SMS-паведамленні з інфармацыяй аб неабходнасці даплаты за пасылку, адпраўленне ці рахунак за электраэнергію. У паведамленнях змяшчаліся спасылкі, якія перанакіроўвалі ахвяр на сайты, якія імітуюць інтэрнэт-парталы электроннага банкінгу», — паведамляе CBZC.
Кібэрзлачынцы падманулі больш за 800 чалавек на суму больш як 2,5 мільёна злотых (звыш 600 тысяч даляраў).
Затрыманні прайшлі на тэрыторыі 10 ваяводстваў Польшчы 8—10 студзеня.
Фігурантам выставілі абвінавачанні ва ўдзеле ў арганізаванай злачыннай групе, крадзяжы з банкаўскіх рахункаў, махлярстве, адмыванні грошай.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары